Ua iai lapata’iga ua faia faatatau i le vaa o le USS Sampson a Amerika o loo taula i le Amador International Cruise Terminal i Panama ma le faamoemoe e mata’itū ni gaioiga e faatatau i le feavea’iina o fualaau faasāina, e ono tata’i ane ai ma lea faafitauli i le Pasefika.
O finagalo ia o nisi e tele le tomai i tulaga faapea, faaleo i le lipoti a le CNN e faapea ona o lea ua poloka mai e le vaa lea a Amerika lea itu sa fuafua e faaaogā atu i faiga faasolitulafono ia, e lē taumate o le a faatūtū ane ai ia taumafaiga i se isi vaega o avanoa pe o loo mafai foi ona faaui atu iai fualaau faasāina.
O Ecuador le atunuu aupito sauā i Latin America ma e maualuga foi le aofai o fualaau faasāina ua maua ai.
Ua lipotia mai la e le Navy a Ecuador ua faaopoopo le aofa’i o ana petolō ua faia, atoa ai ma gaioiga ua faia e lana militeli aga’i i le ‘ausolitulafono.
Puna o Faamatalaga: https://edition.cnn.com/2025/09/03/americas/us-warships-caribbean-drugs-pacific-intl-latam
