E lata i le 2 miliona tagata i le itu i Saute o Saina na aveesea faavave mai ona o puipuiga mai ona o le Typhoon Ragasa, o le lipoti lata mai ua ta’ua ai e tele mea ua faaleagaina e ui ua ta’ua foi ua faaitiitia lona malosi i le oo mai i le taeao analeila.
O galu maualuluga na mātele ina aafia ai le itumalo o Guangdong ma faaleagaina ai le tele o meatotino.
I Taiwan ua faamaonia lava e to’a 17 ua maliliu ae o loo tau sa’ilia pea isi.
O videos ua vaaia i luga o upega tafa’ilagi ma le social media ua faamaonia ai le malosi tele o le afā lea atoa ma le tele o mea ua faaleagaina i le auala na ui ane ai.
Vaaia ala laupapa ua faaleagaina aemaise o le tele o auala.
O le itu i Saute o Saina o loo tele ai foi mea faaleagaina ae faapea foi i Hong Kong ma ona fale tetele.
O faletalimalo ua faaleagaina ma o loo aafia pea foi i matagi malolosi.
O loo faagasolo galuega lavea’i ma le faamamāina o vaega ua faaleagaina i lea itu o le lalolagi i le ma’ema’eā o Ragasa.
Puna o Faamatalaga: https://edition.cnn.com/2025/09/23/asia/typhoon-ragasa-hong-kong-southern-china-impact-intl-hnk
