Ua faamatuu ane e le Faamasinoga o Soligatulafono Faavaomalo ni poloaiga e pue’ina ai taitai e toalua a le Taliban, tuuaia i le faasalaina o tinā ma tamaita’i i Afganistan.
Fai mai lipoti o i laua ia sa o la faatonuina le faao’o o faasalaga i tamaita’i ma ē e lē usitaia faiga faavae a le Taliban pei ona faamaonia mai e le faamasinoga lea a le ICC.
O Haibahtulah Akhundzada ole ta’ita’i sili lea faatasi ai ma Abdul Hakim Haqqani ole faamasino sili a le kulupu Isalama lea o i la’ua ia o loo agai iai poloaiga e pu’eina ai.
Fai mai le Taliban latou te le amanaiaina le ICC. E ogaoga nisi o lipoti o faasalaga na tuuina e i latou ia i tamaita’i aemaise i le faasāina ona auai i ni aoaoga.
O loo lagolago e kulupu e finau mo aia tatau le faaiuga mai le ICC fai mai a latou o le auala tonu lea e maua ai se amiotonu mo nai tagata aemaise lava tamaitai ua aafia i ia ituaiga puleaga.
Puna o Faamatalaga: https://edition.cnn.com/2025/07/08/asia/icc-arrest-warrant-taliban-leaders-women-intl
