Ua faamatamata tetele ane e ta’ita’i o le Pasefika lu’itau o loo feagai ma tagata faigaluega i Aotearoa a o le’i toe foi atu i atumotu, ma ua faailoa e faitau 100 tagata na aga’i ane i Ueligitone mo le koneferenisi a le Recognised Seasonal Employers poo galuega faavaitaimi, o loo talimalo ai le Horticulture NZ i le vaiaso nei.
O le faamoemoe ina ia silasila i nisi o lu’itau i lea auaunaga ua 18 nei tausaga o faatino.
Fai mai le RNZ o faamaumauga mai le 2024-2025 ua iloa ai e 177 le aufaigaluega o loo iai pea i le scheme lea i vaega eseese o le auaunaga faaperetaniaina, horticulture ma le viticulture.
O Vanuatu, Samoa ma Tonga o loo aupito to’atele ai tagata faigaluega faavaitaimi i lea polokalame ae ua ta’ua sa laiti atu le aofa’i o le aufaigaluega mai ia atunuu i le tausaga nei peita’i o Papua ma Kiribati sa vaaia le to’atele ane ai o tagata faigaluega.
Saunoa ai le sui mai Fiti i le leitio faavaomalo e le fesiligia le tulaga tau agavaa i tagata faigaluega a le Pasefika i Aotearoa peita’i o le tulaga faatatau i le agavaa o Niu Sila e saunia nofoaga talafeagai e aumau ai tagata faigaluega ma ni totogi talafeagai foi mo le faaaogāina o ia nofoaga.
Puna o Faamatalaga: https://www.rnz.co.nz/news/country/571640/accommodation-for-rse-workers-a-critical-constraint-to-scheme-says-fiji-government-official
