Ua iai lipoti ua faalauiloa i le asō e faatatau i se fesoasoani o le a maua mo le Pasefika i Aotearoa e ala i le faaliliuina o faamatalaga e mana’omia ona a’otauina i le sa’iliga o se laisene avetaavale faata’ita’i poo le learners licence lea fai mai o le a faaliliuina i le gagana Fiti, gagana Samoa ma le gagana Tonga.

O se faamatalaga mai le ofisa o fela’ua’iga a Niu Sila NZTA Waka Kotahi ua faailoa ai ia faamatalaga i se faatalanoaga ma le PMN o se taumafaiga e fesoasoani ai i avetaavale faata’ita’i.

E aofia ai faamtalaga e faatatau i le faitauina o faailo i luga o le alatetele.

Fai mai le ofisa o se faamaoniga foi lea o le naunauta’i o le auaunaga e tali i mana’oga o tagata o le komiuniti ma saunia ai se si’osi’omaga saogalemu mo tagata uma.

Ua lipotia e $500 afe Niu Sila ua faaagaga i lalo o le Tala faatatau o le Tupe mo se fesoasoani i laisene o avetaavale aemaise i latou e tautatala i gagana e ese mai le faaperetania.

Puna o Faamatalaga: https://www.rnz.co.nz/international/pacific-news/564868/learner-driver-materials-set-to-be-translated-into-pacific-languages-nzta