A o tuuina atu pea le tau’au fesoasoani a le atunuu mo Sasa’e Tutotonu, ua faailoa i se pepa o faamatalaga mai le Vaega o Puipuiga faapea vaega’au a Niu Sila, le NZDF, i le malaga atu o a latou sui i ia faaitu o le lalolagi, ua faamaonia ai le auai atu ai foi o se tasi o sui e iai tomai faapitoa e tali atu i matāupu ma’ale’ale – poo le vaega ua o latou faaigoaina o le mission critical.
Faamanino e le NZDF, o lenei tagata o se tamaita’i, ma ua aga’i atu e fesoasoani i ni matāupu ua iloga ona moomia ai le fesoasoani.
Ta’ua e latou te malamalama lelei i faatulagaga o vaega i ia atunuu.
Faapei o le tū ma aga i fanau a nei atunuu tetele, o vaega e lē mafai ai ona feagai se alii ma se tama’ita’i.
Ma o le ala lea ua manatu e tatau ai lava ona aga’i o se sui o le vaega o le mission critical.
Faamauina o lenei polokalame o se vaega tāua lava i le fesoasoani atu i nai tagata o loo fetaia’i ma le tele o faafitauli, ma e aga’i foi a’oa’oga o i latou nei i tulaga eseese o atunuu e ono aga’i atu ai.
Ta’ua e le NZDF o le agaga lava ia mafai ona tuuina atu le fesoasoani i nai tagatānuu o ia atunuu o loo maualuga le avanoa e aafia ai i le tele o matāupu, e pei o fanau, tinā ma tamaita’i faapea tuaa matutua.
Puna o Faamatalaga: https://www.nzdf.mil.nz/media-centre/news/female-engagement-team-mission-critical/
