O le matāgaluega o leoleo, falepuipui ma le toe fuata’ina i Samoa ua aofia i se polokalame o a’oa’oga mo le faatinoina o tiute o le puipuiga ma le tausia o le filemu a Malo Aufaatasi i totonu o le Pasefika.

O se polokalame ua avea ai Ausetalia ma atunuu ua faatūina ai se nofoaga mo le taimi muamua, e a’oa’oina ai leoleo o le Pasefika mo ia tiute.

O atunuu e sefulu ua aofia i le polokalame o Tonga, Fiti, Vanuatu, Solomona, Nauru, Maikorinisia, Tuvalu, Kilipati, ma le atunuu o Timor Leste.

Ua mafai ona faatino lea a’oa’oga i le galulue faatasi o Malo Aufaatasi ma le matāgaluega o leoleo a le malo o Ausetalia ua mafai ona a’oa’oina ai le to’a selau o leoleo mai atunuu o le Pasefika ua filifilia.

E lima vaiaso le umi o ia a’oa’oga mo tiute o le puipuiga ma le tausia o le filemu.