I le aofa’iga o palota na maua e sui na manumālō ma sui tulaga lua o itumalo e sefulutasi ua i luma o le faamasinoga talosaga mo le toe faitauina o palota.
O le itumalo o Alataua i Sisifo na manumālō mai ai Taituave Lafaitele Valoaga Taatiti Iona e 522 palota, tulaga lua iai Aliimalemanu Moti Alofa Tuuau e 477 palota na ia maua, o se eseesega e 45 palota.
O le itumalo o Aiga i le Tai na manumālō mai ai Auapaau Aloitafua Mulipola e 1,169 palota, tulaga lua iai Mulipola Leiataualesa Leiataualetaua Laki e 1,103 palota na ia maua, o se eseesega e 66 palota.
O le itumalo o Aleipata Itupa i Luga na manumālō mai ai Taufua Edmund Taufua e 346 palota, tulaga lua iai Fuaava Saumalu Suluimalo Amataga Penaia e 210 palota na ia maua, o se eseesega e 110 palota.
O le itumalo o Faasaleleaga 1 na manumālō mai ai Leatigaga Matāfai Lauina I’iga e 866 palota, tulaga lua iai Pipi Pauli Tevita Tariu Sinapati e 725 palota na ia maua, o se eseesega e 141 palota.
O le itumalo o Gagaifomauga 2 na manumālō mai ai Foisala Lilo Tu’u Ioane e 334 palota, tulaga tolu iai Tologataua Sooalo Sioeli Alofaifo Lamase e 303 palota na ia maua, o se eseesega e 31 palota.
O le itumalo foi lea o le sui tauva tuto’atasi o Falesaopule Seimaleula Vaialia Iosua na tulaga lua e 310 palota na ia maua, o se eseesega e 24 palota mai palota a le sui ua filifilia mo le nofoa o Gagaifomauga 2.
O le itumalo o Faasaleleaga 5 na manumālō mai ai Vui I’iga Sione I’iga e 468 palota, tulaga lua iai Peseta Vaifou Tevagaena e 388 palota na ia maua, o se eseesega e 80 palota.
O le itumalo o Satupaitea na manumālō mai ai Asiata Tavu’i Tafu Salevao Leaoa e 476, tulaga lua iai Lautafi Fio Selafi Purcell e 375 palota na ia maua, o se eseesega e 105 palota.
O le itumalo o Sagaga 3 na manumālō mai ai Salā Paulo Tuala Poto e 939 palota, tulaga lua iai Tuala Olivetti Ah Him e 917 palota na ia maua, o se eseesega e 22 palota.
O le itumalo o Aana Alofi 3 na manumālō mai ai Agaseata Tanuvasa Valelio Tanuvasa Peto e 896 palota, tulaga lua iai Alofaiva Faaui II Leiataualesa e 473 palota na ia maua, o se eseesega e 423 palota.
Ma le itumalo o Aana Alofi 2 na manumālō mai ai Aiono Alec Ekeroma e 547 palota, tulaga lua iai Aiono Tile Gafa e 473 palota na ia maua, o se eseesega e 74 palota.
