Talu ona galulue le asosi tuufaatasi o auaunaga i motu o Tokelau ma Samoa o loo aoina otaota e mafai ona faia iai se isi galuega e toe feliua’iina ai e avea ma nisi oloa e aogā ma tāua, o le taumafaiga lata mai nei a lea asosi ua faailoa ai le maoa’e o le numela o oloa e gaosia mai le uga poo le plastic sa aoina ai.
Ua faailoa e le asosi o lana galuega i le masina o Iulai sa aoina ai fagu uga ma isi oloa e gaosia mai le plastic e 100 afe meafaitino e gaosia mai i le uga na aoina ai.
O lea faiga e totogi atu ai se tupe ia i latou uma e aga’i atu ma ia uga.
O taumafaiga sa faia i le masina o Me ma Iuni faapea ma Iulai o se faailoga lea o le naunau o le to’atele e puipuia ma faasaoina lo tatou si’osi’omaga mai uga poo plastics.
Ua faafetaia ai e le asosi le lagolago a le kamupani o le Cocola ma le Europacific Partners i le taumafaiga e toe ao mai ai oloa e gaosia i le uga e pei o fagupa’u o se tasi o puipuia lelei mo le si’osi’omaga.
E pei ona silafia e le atunuu o le tele o faguinu, ma faguvai ua maua i faleoloa o fagupa’u lava ua tele ina utu ai.
