Ua faatonuina e le Peresetene o Amerika, Donald Trump le faamavae o le faauluuluga o le Intel, Lip Bu-Tan ona o lipoti ma tuua’iga e faapea e iai ona sootaga ma Saina.

O faamatalaga a Trump i le matāupu lea sa faia i luga o le upega tafa’ilagi, Truth Social.

I se tusi i le vaiaso nei i le faatonu o le Intel ua faailoa atu iai nisi o lipoti sa alia’e e aofia ai Tan ma ana inivesi i Saina.

Ua faailoa i lipoti mai le 9News o shares a le kamupani lea a le Intel sa tapunia i le aso ananafi i le 3 pasene, poo le $86 piliona Amerika.

Fai mai a o le’i avea Tan ma CEO o le Intel, sa galue o le Ofisa Sili poo le CEO o le Cadence Design Systems ma o se sui faavae o le Waldens Catalyst Ventures.

Puna o Faamatalaga: https://www.9news.com.au/world/donald-trump-usa-intel-ceo-lip-bu-tan-resign-china/b1d74444-c95b-4cd0-ab89-85653cf38c01