O lipoti o se li’o poo se mama lanu uliuli poo se black ring e pei ona faamatala ai e molimau i tusitala, na aliali ane i le lagi i le setete o Kansas i Amerika.

Ua alia’e i luga o upega tafa’ilagi ata o lea li’o na vaaia e tagata i lea faaitu, na tapu’e ai ata ma tuu i luga o le social media ma fesiligia ai poo le ā tonu lea li’o.

O le molimau a le to’atele o i latou ia i le Alaata 9 e faato’ā vaai lea i se tulaga faapea ma e pei e le’i umi ona vaaia ae toe lilo atu.

Na faamatala e le vaaitau mai le Fox Firecast Centre o le li’o e foliga o se faataali’oga o asu mai se mea na mu pe pa foi, fai mai e tai pei o se tasi foi li’o lanu uliuli faapea na vaaia i Seattle i le aso 29 o Mati.

E to’atele o loo fia tulituliloa le matāupu lea poo fea tonu e afua ai lea ituaiga vaaiga ae pe aisea foi.

Puna o Faamatalaga: https://www.9news.com.au/world/weather-usa-kansas-mysterious-black-ring-in-sky/f87a637e-0b1d-487e-b7a5-06ef4eccf232