Ua faailoa e le Peresetene o Amerika o Donald Trump o le a ia taumafai e toe maua ane nisi o teritori o Ukraine i le la fonotaga ma le ta’ita’i o Lusia o Vladimir Putin i le Aso Faraile o le vaiaso nei.
Fai mai Trump o se vaega tele o Ukraine ua maua nei e Lusia ma o le a taumafai i le feiloa’iga o le a faia ina ia toe maua ane e Ukraine nisi o ia teritori.
O Alaska ua fuafua e faia ai le la feiloa’iga ma Putin ma o le faamoemoe ia unaia le ta’ita’i o Lusia e faauma loa le taua i Ukraine.
Ua faailoa foi e Trump o le a ia logoina ta’ita’i o Europa pe afai ae faailoa atu e Putin se maliega talafeagai i le taimi o le la talanoaga, ma o le a talanoa muamua foi i le ta’ita’i o Ukraine o Volodymyr Zelensky ma e ono iai foi nisi talanoaga i le lumana’i e faaaofia ane ai ma Zelensky.
O loo maumaua’i le Komisi a Europa le European Commission o le a lē mafai lava ona malilie i se maliega e lē o malie muamua iai Ukraine.
Puna o Faamatalaga: https://www.bbc.com/news/articles/c0e99yqv332o
