E to’atolu malu o le malo i Amerika ua faamaonia mai ua fasiotia ma le isi to’alua o loo manunu’a i taugafana i le itu i Saute o Pennysylvania.
Faamaonia ane e leoleo i le 9News o le taugafana na tupu i le faaitu o North Codorus pe ā ma le 185km i le itu i Sisifo o Philadelphia, e lē mamao ese ma Maryland.
Saunoa le komesina o leoleo mai lea faaitu e matua’i malosi mafatiaga i lenei faalavelave ma o le a lē mālōlō leoleo se’i vaganā ua maua i latou na faatinoina.
O le isi to’alua o loo manunu’a ma o loo leoina foi e leoleo.
E le’i faamatuu maia e leoleo suafa o tagata o loo aofia i lea matāupu ae ua ta’ua o loo tutūfaatasi auaunaga uma a leoleo ma le ‘ausu’esu’e i lea faaitu e faatino le su’esu’ega ma fesoasoani i leoleo mai le faaitu o loo tupu ai le faalavelave.
Puna o Faamatalaga: https://www.9news.com.au/world/usa-united-states-police-shooting-pennsylvania/2944bf12-f106-464b-916b-99389b353679
