Ua faailoa i lipoti i le asō mai Amerika le tipoti faasolitulafono e le faigamalo a Trump o ni alii Asia e to’alua i South Sudan, se tasi o atunuu laitiiti i Aferika, o se faamatalaga lea ua faia ane e loia tau femalagaa’iga i se faamasinoga.
O le folasaga a loia ia sa faia i le faamasinoga i Boston ua ta’ua ai o alii e to’alua o loo aofia o ni sitiseni o Myanmar ma Vietnam ae o le Aso Lua o le vaiaso nei na tulaueleele ai i South Sudan.
O se poloa’iga talu ai mai le faamasinoga sa faasā ai le faigamalo a Amerika ona tipoti atu tagata e aga’i ane i le atunuu i isi atunuu e aunoa ma le tuuina iai o le avanoa latou te lu’iina ai ia faai’uga.
E le’i maua ane se tali mai le matāgaluega e feagai tonu ma matāupu faapea le Homeland Security ina ua fesiligia se finagalo e le BBC ae o loo finauina i le vaiaso nei e loia ia tau femalagaa’iga le National Immigration Litigation Alliance le faamasinoga ia faia se poloa’iga faavavevave e taofia ai le tipoti ese atu o ia tagata.
O le isi popolega tele e pei ona ta’ua i tusitusiga ia mai le BBC ona o South Sudan o loo malosi ai vesiga ma le tele o le mau solitulafono ma o loo matua’i popole aiga o nai alii ia mo lo la saogalemu.
Puna o Faamatalaga: https://www.bbc.com/news/articles/c0lnnk5ld5lo
