E to’atele pulenuu mai faaitu eseese o Los Angeles ma isi aai o Amerika ua auaufaatasi ma faailoa atu ia Trump ma lana faigamalo ina ia taofia loa osofa’iga o loo faia pea faasaga i tagata fai atu i le atunuu, immigration raids auā ua faalogoina ai le fefefe o tagata ma ua afua ai ma le tele o le mau solo tetee mai vaega eseese o Amerika.

Fai mai lipoti aupito lata mai e fai si tele o solo tetee o loo fuafua mo le faai’uga o le vaiaso nei i vaega eseese o Amerika ma e faasagaga e tetee ia Trump ma ana faiga faavae e faatatau i matāupu tau femalagaa’iga.

E ui la i le poloa’iga a Trump ua aga’i ane ai ma le National Guard e fesoasoani i le puipuiga mai ia solo tetee peita’i e manatu le to’atele o tagata Amerika o loo faailoa finagalo i luga o upega tafa’ilagi, o le a tele se afaina o le a iai faaitu o Amerika o le a faatino ai solo tetee ia i le faai’uga o le vaiaso.

eO loo gaioi nei le vaega o le puipuiga i le mata’itūina o faaitu ua faatulaga ai ia fuafuaga e le faitau afe o tagata o loo tetee malosi i faiga faai’uga a le peresetene ma le toe aveese mai o tagata ua autausaga o nonofo i amerika ma soifua ai.

Puna o Faamatalaga: https://edition.cnn.com/2025/06/12/politics/rand-paul-stephen-miller-border