Ua teena e Trump nisi faamatalaga e faapea o le sologa lelei o le mafutaga a Saina ma Lusia ma isi atunuu ua afua ai ma se Lu’itau mo Amerika i le silasila lautele a le lalolagi.
Fai mai le BBC na faailoa e Trump i le autusitala i se feiloa’iga i le oval office e faapea e lelei le la mafutaga ma le Peresetene o Saina ma e sili atu ona mana’omia e Saina Amerika nai lo le mana’omia e Amerika o Saina.
Ua faia ia faamatalaga a Trump a o lipotia mai le gasolo atu o ta’ita’i o le lalolagi e auai i le solo tele o le militeli a Saina e faamanatu ai le Victory day o le mae’a o le Taua Lona Lua a le Lalolagi i le 80 tausaga talu ai.
Ina ua fesiligia e le BBC Trump pe talitonu o loo aoao e Beijing ana allies ma taumafai e faamautū se soofaatasi faavaomalo e tetee atu i le malo tele, sa tali Trump e leai se mea faapea o tupu.
E mana’omia e Saina Amerika.
Puna o Faamatalaga: https://www.bbc.com/news/articles/c1dxd9eyy71o
