Ua lipotia a itiiti mai pe to’a 27 tagata ua maliliu i afā ma uiga loulouā o le tau na aafia ai vaega o Amerika i le faai’uga o le vaiaso.
Fai mai le Kovana o Kentucky, Andy Beshear o le Aso Toonai e to’a 18 na maliliu mai lo latou setete ma le to’a 10 o loo i le falema’i i ni tulaga tigaina.
O le tornado poo se asiosio na aafia ai Kentucky na faaleagaina ai fale, fetogia’i solo ai taavale ma leai ai ni fale o le to’atele.
Ua lipotia le tapunia o auala ma e ono umi se taimi faato’ā toe tatala nisi auala ona o le tulaga faaleagaina ua iai.
E molimau tagata o lea faaitu e tulaga ese le malosi o le asiosio ma e oo mai i le taimi nei o loo faatino galuega lavea’i ma sa’ilia nofoaga ua faaleagaina poo iai nisi o taomia ai.
O isi ua maliliu e mafua mai i storms ma uiga loulouā o le tau i isi pitonuu e pei o Missouri ma St Louis lea o loo faagasolo ai foi galuega fesoasoani.
Puna o Faamatalaga: https://www.9news.com.au/world/tornadoes-storm-us-multiple-states-multiple-people-dead-disaster/8fde477a-a7c6-424f-8474-47d2ba58b776
