Ua iai se popolega tele i se tulaga o loo tula’i mai i se tasi o aai i Amerika ma ua faailoa i lipoti aupito lata mai ua folafola e le Fale Pa’epa’e le toe faamatuu atu o vaega’au a le atunuu faapea leoleo i magāala o Uosigitone ina ua mae’a le folasaga a Trump.

Ua lipotia mai e le 9News, e faapea na ia folafola o le a pulea e lana faigāmalo le pulega o le ofisa o leoleo i le setete o Uosigitone mo se taimi a itiiti mai poo le masina.

Fai mai lipoti ua maualuga le aofa’i o soligatulafono i le aai ma o le folasaga mai le Fale Pa’epa’e o le po ananei e amata faamamalu ai le faiga lea o le oo ane o vaega’au a le atunuu le National Guard faapea leoleo e mata’itū magāala aemaise lava i le po.

E to’atele e lē o fiafia i lenei faiga ona o le tele o fetuuna’iga ua faia ai ma ua atili lē mautonu ai le to’atele.  

Puna o Faamatalaga: https://www.9news.com.au/world/national-guard-and-federal-agents-on-streets-of-washington-dc/c1f74d8b-a940-44d8-8306-f297e51d8514