Ua iai maliega ua sainia e Trump ma Saudi Arabia e aofia ai le galulue faatasi o a la militeli.

Na viiviia e Trump le ta’ita’iga a lea atunuu i Sasae Tutotonu i sana lauga sa faia i se fonotaga tau inivesi ma ia faaataata ai foi e i’u ina aofia Saudi Arabia i le Abraham Accords ma tuuina ai ma sana fe’au ia Iran a o faia feutana’iga i matāupu tau niukilia.

Na saunoa ai foi Trump o loo ia fuafua e aveesea sanctions poo sā sa tuuina i luga o Suria i le taimi na mae’a ai le faato’ilaloina o le faigamalo a Assad.

O le vaiaso nei ua fuafua e feiloa’i atu ai Trump i le Peresetene o lea atunuu.

Faailoa e le CNN ua mae’a faailoa e le Fale Pa’epa’e ua mautū le maliega a Trump ma Saudi Arabia o le a inivesi mai le latou $600 piliona i Amerika e aofia ai ma se faiga faapaaga i matāupu tau le puipuiga e lata i le $142 piliona lona tau.

O loo iai nei Trump i lana malaga asiasi atu i atunuu e tolu o Sasae Tutotonu.

Puna o Faamatalaga: https://edition.cnn.com/2025/05/13/politics/syria-sanctions-lift-trump