Ua faamatuu atu nei se lapata’iga tau le soifua mālōlōina mo tagata femalagaa’i i Amerika Samoa ina ua mae’a faamaonia isi gasegase e tolu o le dengue fever poo le fiva ponaivi.
Ua faailoa e le matāgaluega o le soifua mālōlōina a lea atunuu o le faama’i ua maua i tagata femalagaa’i faato’ā foi ane mai Samoa.
Fai mai e lē o iai nisi gasegase o faamauina i totonu lava o le atunuu ia se’i vaganā i latou ia na faimalaga ane.
Ua faailoa ua faatino nei galuega a le si’osi’omaga i le fanaina o nofoaga ina ia faamautinoa e lē o tele ai le namu lea e feavea’ia le siama o lea faama’i.
Ua faamatuu atu foi ma lapata’iga mo i latou sa faimalaga talu ai nei i Samoa, Fiti ma Tonga e tatau ona mata’itū lelei mo le 14 aso talu ona toe taliu ane ni āuga o le faama’i.
O le amataga o le tausaga nei na folafola ai e Samoa, Fiti ma Tonga le aafia i le pepesi o lea faama’i ma o āuga e aofia ai le fiva, mageso ma le tiga o tino ma faafaufau ma e fautuaina tagata ia vave sa’ilia se fesoasoani mai foma’i pe a faalogoina āuga.
Puna o Faamatalaga: https://www.rnz.co.nz/international/pacific-news/565948/american-samoa-on-alert-after-imported-dengue-fever-cases-confirmed
