Ua sainia e Donald Trump se poloa’iga e suia ai le tau o oloa, fai mai a ia o le a faamalosia ai isi atunuu e pei o Ausetalia, ina ia totogi tupe faaopoopo ina ia faaitiitia ai tupe e totogi e tagata Amerika.

Ua ta’ua i lipoti a le 9News i le asō o le sainia e Trump o lea poloa’iga ua tuuina ai le 30 aso mo i latou e gaosia fualaau mo togafitiga ina ia faaitiitia le tau o fualaau e faatauina i Amerika.

O lea la poloa’iga ua valaau ai i le Matāgaluega o le Soifua Mālōlōina a Amerika lea e faauluulu ia Robert F Kennedy ina ia faatulaga nisi tau fou mo fualaau mo togafitiga i le masina o lumana’i nei.

Afai ae leai se maliega e taunuu iai ona toe galue lea o Kennedy i le faatulagaina o se isi tulafono fou e itiiti ai le tau e totogi e tagata Amerika mo fualaau ma vailaau mo togafitiga.

Na ta’ua e Trump o lona uiga o le a tutusa le tau e totogi e Amerika ma le tau o loo totogi e tagata i Europa.

Fai mai Trump o le tau o le fagu mo fualaau o le kanesa o le susu, e totogi e tagata Amerika le 16 afe mo le fagu e tasi peita’i mai le nofoaga e gaosia ai lea fualaau e na o le 1/6 o le tau e totogi e pei ona iai Ausetalia peita’i la i lalo o le poloa’iga ua sainia nei, e tatau ai ona totogi foi e Amerika na o le tasi vae ono o le tau o lea fagu fualaau.

Puna o Faamatalaga: https://www.9news.com.au/world/donald-trump-update-us-president-signs-executive-order-aiming-to-lower-us-drug-costs/57730465-509f-463e-b572-2ca6dac2e70d