O le poloa’iga mulimuli nei na sainia e Trump e faatatau i le una’ia o le deep sea mining poo le ‘eliina o le alititai, o se faiga faamiliteli lava lea ua faia i le Pasefika e pei ona saunoa iai se tasi e galue i le puipuia ma le faasaoina o le vasa.

Ua ta’ua e le RNZ o le sainia e Trump o le poloa’iga lea i le masina talu ai ua faatonu ai le ofisa o le National Oceanic and Atmospheric Administration le NOAA ina ia faatino ni laasaga e faataga ai le ‘eliina o le alititai.

Na faailoa e le tamaitai o Louisa Castledine mai le Ocean Ancestors, o lea poloa’iga ua iloa lelei ai le sootaga i le va o faiga faamiliteli, tulaga tau tupe ma pulega faakolone ma ua omia ai le Pasefika i le afā lea o matāupu faapolokiki ma le si’omaga e aofia ai atunuu tetele o le lalolagi o loo tausiniō uma mo minerale e faamalosia ai lo latou puipuiga ae oia ai le puipuiga o le Pasefika ma ona tagata i le lumana’i.

Ua ta’ua e Louisa e tatau ona mataala le Pasefika i faamata’u e sili atu e oo mai ma aafiaga lē lelei i le si’osi’omaga.

Puna o Faamatalaga: https://www.rnz.co.nz/international/pacific-news/561073/trump-s-deep-sea-mining-order-condemned-as-militarisation-of-pacific