Ua faailoa i lipoti a le CNN i le aso a o faalogoina ai e Amerika ma ana paaga i le NATO i Europa le faifaitetele ane o faiga a Moscow e ala i drones o loo ulufale i airspace o Polani, ua lipotia o loo faaauau pea ona faia faata’ita’iga faamiliteli a Belarus ma Lusia e lalata ane lava i faitoto’a o paaga ia a Amerika i le NATO.
E iai sui o le militeli a Amerika faatasi ma sui e to’alua mai isi atunuu o le NATO o Take ma Hungary, o loo latou mata’itūina faata’ita’iga ia a Lusia ma Belarus.
Ua ta’ua i le lipoti e ui la e foliga o loo una’ia e sui o le NATO mai le Atu Europa le malo tele o Amerika ia tali malosi ane i faiga ia a Lusia ma Belarus, ae foliga e lē o fia faia iai e Trump se isi gaioiga i le taimi nei ae na ia ta’ua ua amata lava ona uma lona onosa’i i amioga a Putin o loo faaali ane.
Puna o Faamatalaga: https://edition.cnn.com/2025/09/15/europe/us-observes-russia-belarus-wargames-intl-latam
