O se tasi o tagata iloga i taaloga o le piiga i Amerika ma e lausilafia foi e le to’atele le alii o Hulk Hogan, ua maliu nei i le 71 tausaga o lona soifua.
O Hogan o lona igoa na soifua mai ai o Terry Gene Bollea, ma ua faailoa e le BBC na maliu lava i lona aiga i Florida.
Na amata lana taleni o le pii i le 1977 ma o se tasi iloga i le lalolagi i lea foi faagatama.
O loo faailoa i se faamatalaga a lana manager o Chris Volo e faapea, sa iai se faaletonu i lona fatu ma maliu ai mulimuli ane a o si’omia e si ona aiga.
Talu ai nei sa faalauiloa ai lana lagolago i le Peresetene o Amerika, Donald Trump ma ua molimauina e le to’atele tusitusiga a Trump i luga o upega tafa’ilagi i le asō e faapea, ua ia lusi se uo lelei.
Puna o Faamatalaga: https://www.bbc.com/news/articles/clyzyr4d2rzo
