Ua lipotia e le CNN se faamatālaga mai le Peresetene o Amerika, Donald Trump ua ta’ua ai o lona manatu e sili ai le tuu o ta’ita’i o Ukraine ma Lusia e faia sa la’ua fonotaga e aunoa ma le iai o ia.
Ta’ua e Trump na sologa lelei le la fonotaga ma Zelensky ma ua ia manatu ai e lelei pe a fono pea le to’alua lea na o la’ua ae se’i vaavaai poo fea o le a aga’i iai le fonotaga ae masalo afai e mana’omia ia e na ona alu atu e tapuni le fonotaga.
Ua faailoa i isi lipoti foi mai le CNN e lē o iai se tali mautū a Putin i se talanoaga lea ma Zelensky e ui o lea lava o loo iai fuafuaga a le Fale Pa’epa’e mo se feiloa’iga i le va o ta’ita’i e to’alua.
O le fesili o loo tulituliloa e le to’atele poo afea e faia ai lea fonotaga ae ua sāua i nisi o lipoti e ono faia i Budapest poo Switzerland ae mo le taimi nei e na o le faatalitali poo le ā se tali ane a Putin i lea matāupu pe oo se fono pe leai.
Puna o Faamatalaga: https://edition.cnn.com/world/live-news/trump-ukraine-russia-zelensky-putin-08-19-25
