Ua folafola mai e le Peresetene o Amerika Donald Trump, ua iai se maliega i le va o Isaraelu ma Iran e taofia ai vesiga ma e faamoemoe o le a tumau lea maliega.
Ua faailoa i lipoti lata mai a le CNN se faamatalaga mai le Matagaluega o le Puipuiga a Qatar i lo latou faalavelaveina ai o se tasi o osofaiga faaoga ai a’uupega fana mamao a Iran ma sa agai lea osofaiga i le base a Amerika i Qatar. E leai se tasi na afaina i lea osofaiga.
Taua i lipoti o loo sauni lava Amerika mo se tulaga faapea e ono toe tali ane ai Iran e ala i le taulai ane o a latou osofaiga i nofoaga o Amerika o loo iai vaalele.
Ta’ua e Trump i le lipoti o lea ua malilie Isaraelu ma Iran e taofia uma loa fetauiga e ui e le o iai se faamatalaga mai seisi o atunuu ia e lua o loo taua i le lipoti. Ua taua i se faamatalaga a le Sui Peresetene o Amerika JD Vance ua lē mafai e Iran ona fausia se auupega niukilia i mea faigaluega o loo totoe i le taimi nei auā ua mae’a ona o latou faaleagaina.
Puna o Faamatalaga: https://edition.cnn.com/2025/07/06/middleeast/israel-strikes-houthis-iran-ceasefire-intl-latam
