Ua folafola mai e le Peresetene o Amerika Donald Trump ua iai se maliega i le va o Isaraelu ma Iran e taofia ai vesiga ma e faamoemoe o le a tumau lea maliega.
Ua faailoa i lipoti lata mai a le CNN se faamatalaga mai le matāgaluega o le puipuiga a Qatar i lo latou faalavelavegia o se tasi o osofa’iga e faaaogā ai ‘au’upega fana mamao a Iran ma sa aga’i lea osofa’iga i le base a Amerika i Qatar.
E leai se tasi na afaina ai i lea osofa’iga.
Ta’ua i lipoti o loo sauni lava Amerika mo se tulaga faapea e ono toe tali ane ai Iran e ala i le taula’i ane o a latou osofa’iga i nofoaga o Amerika o loo iai vaalele.
Fai mai la Trump i le lipoti o lea ua malilie Isaraelu ma Iran e taofia uma loa fetauiga e ui e lē o iai se faamatalaga mai se isi o atunuu ia e lua o loo ta’ua i le lipoti.
Ua ta’ua i se faamatalaga a le Sui Peresetene o Amerika, JD Vance ua lē mafai e Iran ona fausia se auupega niukilia i equipments o loo totoe i le taimi nei auā ua mae’a ona o latou faaleagaina.
Puna o Faamatalaga: https://edition.cnn.com/world/live-news/israel-iran-us-strikes-06-23-25-intl-hnk
