Ua faailoa e Trump o le vaiaso fou e feiloa’i ai ma Iran ma o loo ia teena foi se lipoti a le vaega su’esu’e a Amerika e faatatau i aafiaga o osofa’iga na faia ia Iran i le faai’uga o le vaiaso.
Ua ta’ua e le CNN se faamatalaga mai se sui o le malo Iran e faapea o nofoaga faaniukilia a lo latou atunuu ua matua’i faaleagaina i osofa’iga e lē gata a Amerika ae faapea foi ma Isaraelu.
Peita’i o le lipoti a le au su’esu’e a Amerika ua faailoa ai e le’i aafia le ogatotonugalemu o polokalame tau niukilia a Iran i osofa’iga na faia ma e foliga e na o ni nai aafiaga e ono faatuai ai lea polokalame i ni masina ae lē o aafia lona ogatotonugalemu.
E foliga o loo mautū pea mo le taimi nei le maliega i le va o Iran ma Isaraelu e taofia ai fetauiga a o talitali ai la le feiloa’iga lea a Iran ma Amerika e pei ona faailoa e le alii Peresetene i le asō.
Puna o Faamatalaga: https://edition.cnn.com/world/live-news/israel-iran-conflict-us-trump-06-25-25-intl-hnk
