E foliga ua tau lē lava le onosa’i a Trump ia Initia ma ua faailoa mai i le asō le talanoa atu i le Palemia o lea atunuu ina ia piki sa’o le itu e tu ai.

O le vaiaso nei foi ua faatulaga ai e Amerika tariffs e faia ia Initia, e faaopoopo atu i le 25 pasene o tariffs ua fuafua e amata faamamalu i le faai’uga o le masina nei, ua tuuina atu ai foi ma le isi 25 pasene o tariffs lava e amata faamamalu foi i le faai’uga o le masina nei, o le faasalaga lea mo le aveina ane e Initia o le suāuu ma le kesi mai Lusia.

Ta’ua e le CNN o Initia o loo latou faatumauina pea le faigā faapaaga ma Amerika ae o loo tumau foi le vavalalata o lana mafutaga ma le ta’ita’i o Lusia o Putin, ae o loo faailoa pea e lona atunuu e lē o iai se itu o ‘au iai i le matāupu e faatatau i le taua a Ukraine ma Lusia.

Puna o Faamatalaga: https://edition.cnn.com/2025/08/05/india/india-russian-oil-trump-tariffs-explainer-intl-hnk