Ua mae’a ona teena e le pulega o le faigāmalo a Trump visa mo le ta’ita’i o Palesitina o Mahmoud Abbas ma lana ‘aumalaga to’atele sa auai i le fonotaga a Malo Aufaatasi i le masina nei peita’i la o lea ua lipotia le iloiloina nei e Amerika o le faia o nisi o sā i isi ‘aumalaga ma ono faaitiitia ai lo latou agavaa e faimalaga ese ai i fafo atu o Niu Ioka.
Fai mai lipoti o nisi o sā tau femalagaa’iga e ono tuuina i tagata malaga mai Iran, Sudan, Zimbabwe aemaise Brazil.
Ua ta’ua i le lipoti o loo iloilo i le taimi nei lea tulaga ma ni suiga e ono iai ae o lea laasaga o se isi foi auala aga’i i fuafuaga a le faigāmalo a Trump i matāupu tau visa, e aofia ai ma se iloiloga tele o loo faia i tagata ua leva ona umia faatagana faaletulafono e malaga ane ai i Amerika aemaise i latou o loo fia malaga ane mo le fonotaga a Malo Aufaatasi.
Puna o Faamatalaga: https://www.9news.com.au/world/us-could-ban-iranians-shopping-at-costco-during-un-meeting/54b26158-7c54-4D18-8467-65d819c5c40e
