Ua saunoa le failautusi o le setete o Amerika, Marco Rubio ua taofia lē tumau nei e le State Department visa tafao mo tagata o Gaza ina ua maua faamaoniga o nisi o faalapotopotoga o loo faatinoina ia visa aga’i ane i Amerika e iai o latou sootaga malolosi ma kulupu faatupu faalavelave e pei o le Hamas.
Fai mai le 9News o le folafolaga lea na faia a le State Department i luga o le upega tafa’ilagi a le X lea sa igoa muamua o le Twitter ma ua faailoa ai o le a taofia uma visa tafao ia mo tagata ta’itoatasi mai Gaza a o iloilo ai lea faiga aemaise lava i matāupu e ulufale ai i le atunuu mo mafua’aga e pei o togafitiga faafoma’i ma matāupu tau le soifua.
Fai mai le failautusi ua tuuina atu ia i latou faamaoniga o faalapotopotoga e pei ona ta’ua e iai sootaga i le ‘aufaatupu faalavelave, e ui e le’i au’ili’ili ane poo ai tonu ia ofisa ae poo ā foi faamaoniga.
Ta’ua foi i se saunoga a se tasi e lagolago ia Trump, Laura Loomer o aiga ia o loo taunuu ane i Amerika mai Gaza o loo faamata’u ai le puipuiga lautele o le atunuu.
Puna o Faamatalaga: https://www.9news.com.au/world/usa-gaza-visa-donald-trump-palestine-israel/c0d254c2-a117-46a8-a21e-c9109c161873
