Na talimalo le Peresetene o Amerika i le taumafataga aoauli na faia i Uosigitone i le vaiaso nei ua o ane faatasi ai peresetene o atunuu e lima mai le konetineta o Aferika mo se talanoaga e taula’i i avanoa faapisinisi.
Faailoa e le CNN na mana’o Trump ia faia le faatalanoaga lea ona e talitonu e tele avanoa faapisinisi e penefiti ai Amerika ma ana paaga i Aferika.
Ta’ua i le lipoti se faamatalaga a Lybia e faapea o le fonotaga lea ua fuafua e faaloloto atili ai sootaga i upufai o malo aemaise faamoemoega tau tupe o loo faasoa faatasi e Amerika ma ana paaga ia i Aferika.
Ua faailoa e lē o aofia ai i le fonotaga lea atunuu tetele o Aferika e pei o Aferika i Saute, Nigeria, Aikupito ma Ethiopia aemaise ona o atunuu ia o loo iai o latou sootaga ma se kulupu ua faaigoa faapuupuu i le BRICS e aofia ai Brazil, Initia, Lusia ma Saina.
Fai mai le CNN i le fonotaga o loo faia ua faalogoina ai le viia e ta’ita’i o atunuu ia e lima o Aferika, o Donald Trump ma o latou una’ia ai le inivesi atu o Trump i o latou atunuu ma ia faalautele alaga’oa o loo maua i o latou vaifanua.
O le finagalo faaalia o se tasi polofesa Aferika i polokiki ma sootaga faavaomalo, Christopher Afoke Isike ua faailoa ai, o malo faaaloalogia a Trump i le fonotaga o loo faia o ni fruit poo fualaau taumafamata pito i lalo ua taumafai Trump e faaaogā e talitali atu ai gaioiga a Saina ma Lusia i totonu o Aferika.
Puna o Faamatalaga: https://edition.cnn.com/2025/07/09/africa/trump-african-leaders-summit-intl
