Fai mai le CNN ua faate’ia Donald Trump i gaioiga ua faia nei e Isaraelu i totonu o Gaza ma Suria ma ua valaau ai Trump ia Netanyahu le Palemia o Isaraelu ina ia faaleleia le tulaga ua tula’i mai.
O le vaiaso talu ai e pei foi ona auina atu i talafou sa osofa’ia ai e Isaraelu se Ekalesia Katoliko i Gaza aemaise o osofa’iga i nisi o nofoaga i Suria.
E le’i leva atu nei le malaga asiasi a Netanyahu i Amerika ma faia ai faatalanoaga e uiga i vesiga i Gaza ma isi nofoaga.
Peita’i fai mai lipoti i le mae’a o le fā aso o faatalanoaga e toe foi Netanyahu i Isaraelu, e le’i iai se maliega mautū ma Amerika aemaise ona o loo faatali pea i le tali ane a le Hamas i fetuuna’iga mo le taofia o vesiga i Gaza.
Puna o Faamatalaga: https://edition.cnn.com/2025/07/21/politics/trump-netanyahu-israel-gaza-syria
