Ua poloka e le ofisa a Amerika e feagai ma matāupu tau le vanimonimo, space agency le NASA, sitiseni o Saina e iai o latou visa talafeagai i Amerika mai le oo atu ia latou facilities poo ofisa.
O se gaioiga ua faasā i latou ia mai le faigaluega ai i ia nofoaga aemaise o potu su’esu’e.
Fai mai le BBC na pau tagata Saina o loo mafai ona faafaigaluega e le NASA o i latou e galulue faakonekarate poo tamaiti a’oga foi o loo aofia i ni su’esu’ega poo research.
Ua faailoa e faapea, na iloa e i latou ia ua lē toe mafai ona faaaogā pe access vaega o auaunaga a le NASA sa masani ona galulue ai i le aso 5 o le masina nei ma faamaonia ane ai loa e le NASA le tulaga lea ua faatapulaa ai le avanoa e mafai ona faaaogā ai e i latou ia nofoaga a le auaunaga.
O ia masaloga e pei ona faailoa e le BBC ua atili faigatā ai mo nisi tamaiti a’oga Saina aemaise i latou o loo a’o’oga i le faasaienisi ma le tekonolosi, ona maua visa e ulufale ai i Amerika.
Puna o Faamatalaga: https://www.bbc.com/news/articles/c9wd5qpekkvo
