Ua faasā e le faigamalo a Trump ona toe lesitala e le Iunivesite o Harvard ni tamaiti a’oga faavaomalo ma e foliga ua faifai tetele lava le matāupu a itu e lua e pei ona lipotia i le asō i le CNN.

O le faatonuga na faia e le failautusi o le Homeland Security a Amerika, Kristi Noem i lana matāgaluega ina ia faatino le faai’uga lea e mafua mai i le mumusu o le iunivesite e tuuina ane nisi o faamaumauga e faatatau i tamaiti a’oga mai fafo e pei ona mana’omia atu e le matāgaluega i le masina talu ai.

Ta’ua i le lipoti o le tusi a le failautusi sa tuuina i le Iunivesite i le vaiaso nei ua tuua’ia ai i le saunia o se si’omaga lē lelei mo tamaiti a’oga Isaraelu i le iunivesite, una’ia o faamaisega i ē lagolago i le Hamas ma ta’ua ai ma nisi o faiga faailogalanu.

Ta’ua e Noem ia avea le faai’uga lea e lapata’ia ai Iunivesite uma i le atunuu.

Ua faailoa i le lipoti le teena e le iunivesite o le faai’uga ua faia atu ma o latou ta’ua ai i se pepa o faamatalaga e solitulafono lea faiga.

E eseese finagalo faaalia ua faalogoina ma alia’e i lenei matāupu a o tālia ai le isi laasaga o le a iai.

Fai mai le mau a se tasi o polofesa o le iunivesite e faigatā tele ona mafaufau i se iunivesite e leai ni ona tamaiti a’oga faavaomalo ma e talosia ia vave ona fo’ia lenei faafitauli a o lei tele se aafiaga i tagata uma e aofia ai.

Puna o Faamatalaga: https://edition.cnn.com/2025/05/22/us/video/harvard-trump-revokes-international-students-enrolling-zeleny-digvid