A itiiti mai pe tusa ma le to’a 28 tamaiti o loo aofia i le numera o le ‘au maliliu e to’a 68 mai lōlōga na aafia ai le setete o Texas i Amerika i le faai’uga o le vaiaso.
I faamatalaga mai le Kovana o lea Setete ia Greg Abbot i le ālaata o le BBC ua ta’ua ai le tulaga pagātia ua iai lo latou faaitu mai lōlōga.
O tala mai leoleo ua ta’ua ai o loo faaauau pea le sa’iliga mo nai fanau teine e to’a 10 o loo tau sa’ilia pea ma le counsellor e to’atasi sa iai faatasi i se nofoaga mo camp i lea faaitu.
Ua faailoa e le Peresetene o le a ia āsia le faaitu lea i le vaiaso nei.
E faamomoiloto molimau a nai aiga na aafia i nei lōlōga i le faafuase’ia i le taimi lea aemaise o le loulouā o le tau ua faigatā ai nisi galuega lavea’i mo i latou ua ma’umau soifua.
Puna o Faamatalaga: https://www.bbc.com/news/live/c15np18yy24t
