Ua tau manino mai le faalavelave na tupu i Amerika i Uosigitone i Amerika i le vaiaso nei lea na tafana ma maliliu ai tagata faigaluega e to’alua i le ofisa o Isaraelu i lea setete o Amerika.

Fai mai lipoti a le 9News o le tagata na faatupuina le faalavelave na tauvalaau ane Free Palestine pe faasa’oloto Palesitina ina ua mae’a ona ia tafanaina i la’ua ua maliliu.

O ē ua aafia soifua o Yaron Lischinsky ma Sarah Milgrim sa faigaluega i le matāgaluega o le va i fafo a Isaraelu i Uosigitone ma ua lipotia le feta’ua’ina o le la faamau ae sa auai ai i se polokalame sa faia i fafo ane o le falemata’aga i Uosigitone ae tafana ai e lē ua molia.

E talitonu leoleo o lē ua pu’eina o se alii mai Chicago e 30 tausaga, o Elias Rodriques ma o se faalavelave ua faapopoleina ai le komiuniti o tagata Isaraelu i lea itu o Amerika.

Puna o Faamatalaga: https://www.9news.com.au/world/israeli-embassy-staff-members-killed-outside-jewish-museum-in-washington-dc-usa/e87a6fbd-06e6-499c-9a76-499c61ae9d6d