Ua lipotia o kamupani vaalele a le Delta Air, American Airlines ma le United Airlines ua latou faailoa mai ua latou faamālōlō nisi o a latou tagata faigaluega ona o ni faamatalaga na o latou faia i luga o le social media e faatatau i le faalavelave ua maliu ai Charlie Kirk.
Faailoa e le Ofisa Sili o le Delta Air, Ed Bastian na o latou iloa ia faamatalaga na faia e le aufaigaluega ma ua oo i tulaga lē manuia ua leai ai ma se faaaloalo ma ua solia ai foi tulafono e faatatau i le faaaogāina o le social media.
O lea la ua faamālōlō lē tumau ai ae se’i faia su’esu’ega. Ta’ua e le failautusi o Fela’ua’iga o Sean Duffy i luga o le X o amioga a nisi o tagata faigaluega ua oo i tulaga matagā ma lē manuia ma ua talafeagai ai ona faamālōlō.
Puna o Faamatalaga: https://www.9news.com.au/world/charlie-kirk-shooting-update-airlines-suspends-workers-for-posts-about-assassination/cc3f772d-6f26-47a6-8a40-6901b4646822
