Ua lē fiafia Donald Trump i le Peresetene o Lusia o Vladimir Putin e pei ona faia ai sana saunoaga i le amataga o le vaiaso ina ua faatino nisi osofa’iga a Moscow ia Ukraine e ui sa manatu le to’atele i le faai’uga o le la vaiaso, ai o le a masuiga mālie lenei matāupu.

Fai mai Trump e matua’i ona lē iloa le mea ua tupu ia Putin ma e to’atele tagata ua ia fasiotia.

Na ta’ua e Trump ua leva ona masani ia Putin peita’i ua vaaia lona fana atu o loketi i aai ma fasiotia ai tagata ma ua ia matua’i lē fiafia lava iai.

Na faailoa e le Peresetene o Amerika ua lē fiafia i gaioiga a Putin o loo faia ma ua amata iloilo nei ni sā e faia faasaga ia Lusia.

Ua faailoa e le CNN pe ā ma le 12 tagata ua fasiotia i osofa’iga mulimuli nei a Lusia ma o loo aofia ai ma tamaiti.

Na lipotia se faamatalaga mai le ta’ita’i o Ukraine, Volodymyr Zelensky, o le filemu o Amerika e lē gagana, faapea ma le filemu o isi atunuu o le lalolagi ua atili una’ia ai gaioiga a Putin.

Puna o Faamatalaga: https://edition.cnn.com/2025/05/25/politics/trump-putin-ukraine-airstrikes