O lipoti lata mai o le matāupu o loo vevesi ai Los Angeles ua faailoa mai ai i le taeao analeila ua ave i le tulafono e le Kovana o Kalefonia le pulega a le faigāmalo a Trump ona o le matāupu lea a o finau ane foi Trump e faamanino le mafua’aga na ala ai ona valaau le National Guard.
Ua mae’a ona faailoa mai e le Pentagon ua o latou faataga le tusa ma le 700 o maligi i le aai lea e fesoasoani ane i lea matāupu.
Ua faailoa mai la e le BBC, o le Kovana o Kalefonia, Gavin Newsom atoa ai ma le Loia Sili a Kalefonia o Rob Bonta ua o la aveina Trump ma lana faigāmalo i le faamasinoga ona o le faaaogā ane o le National Guard poo fitafita o le puipuiga a le atunuu i le matāupu lea e aunoa ma se faatagana.
Fai mai le Loia Sili o lea gaioiga ua solia ai le tulafono.
E iai nisi tusitusiga ua alia’e i le vaiaso nei e faatatau i le alii Peresetene ma ana gaioiga fai ua ta’ua ai ua lē gata ina afua ai le tele o vevesi ma aafia ai soifua ae ua aga’i foi isi gaioiga i iunivesite, o ofisa loia faapea foi ma le faamasinoga.
Ua ta’ua mai o le asō e faaauau ai pea solo tetee a tagata i Kalefonia i osofa’iga i immigration raids na mafua ai ia vesiga ma ua lē gata ina iai tagata ua faamanu’alia ai ma pu’e e leoleo ae o le tele o meatotino ma le si’omaga ua faaleagaina.
Puna o Faamatalaga: https://www.bbc.com/news/live/cvg7vxx888kt
