Ua faia se faapaaga a Amerika ma le United Arab Emirates ina ia fausia se nofoaga tele i Abu Dhabi e faagaioi ai agavaa tau AI, Artificial Intelligence poo le malamalama faaonaponei e faaaogā ai faiga faatekonolosi i masini komepiuta ma le silafia faaneionapo.

O le maliega la e pei ona lipotia e le CNN ua faalauiloa i le vaiaso nei ma o le a faailoga ai le isi lea nofoaga aupito telē mo faamatalaga i fafo mai o Amerika.

Ua fuafua foi o le a faalautele ai ma ona vaega lelei mo le faalauteleina o kamupani ma pisinisi e le gata i Amerika ae faapea foi i Sasae Tutotonu e ui e lē o patino le faalauiloaina o ia auaunaga.

O se tasi lea o vaega o loo unai malosi pea e Trump o le AI investment ma ua faailoa e le Atu Alapi o loo iai foi lo latou naunauta’iga ina ia avea o se tasi o ta’ita’i o le lalolagi i le AI a o le’i ooi le 2031.

Ua faalauiloa foi e le Fale Pa’epa’e ua iai foi se maliega ua faia ma le United Arah Emirates e fausia ai nofoaga nei mo auaunaga tau faamatalaga i totonu o Amerika e tai pei o nofoaga o le a fausia i le atu Alapi.

Puna o Faamatalaga: https://edition.cnn.com/2025/05/15/middleeast/trump-abu-dhabi-ai-center-latam-intl