Ua lipotia le tala ‘ata o se tasi o uo a le ta’ita’i sili o Iran e faapea e ono mafai ona o latou fasiotia le Peresetene o Amerika i Florida.
O le 9News o loo ta’ua ai a o faia se faatalanoaga e faatatau i faiga faatekonolosi i le militeli a Iran, na faia ai le faamatalaga lea a le faufautua i le ta’ita’i sili o Iran, Ayatollah Ali Khamenei, le alii o Mohammad-Javad Larijani ma ia ta’ua ai e lē mafai nei ona toe faalā Trump i Mar-a-Lago ona o le taimi lea o le a lele ane ai se drone ma osofa’ia o ia.
Ta’ua i le lipoti e fai ana faamatalaga nei ma ‘ata.
O ia faamatalaga na lipotia e le Iran International, o se ofisa faasalalau e faamautū i Lonetona.
O le alia’e o ia faamatalaga i le lautele ua atili atagia ai le ono iai o se toe tali ane a le Islamic Republic i gaioiga a Amerika na osofa’ia ai ona nofoaga faaniukilia.
O se faamatalaga na faia ane e le United States Secret Service lea e puipuia le Peresetene ua faailoa ai o loo galulue ana ‘au e 24 itula faatasi ma paaga faavaomalo, ma setete foi e faamautū le puipuiga aupito maualuga.
Puna o Faamatalaga: https://www.9news.com.au/world/ally-of-iranian-supreme-leader-jokes-iran-could-assassinate-sunbathing-us-president-donald-trump/2303a187-6582-49d3-b51e-2b1e473c8048
