Ua saini le Peresetene o Amerika, Donald Trump e faasā ona toe malaga atu ni tagata mai nisi o atunuu i Amerika, o se faamatalaga lea ua faailoa ane i le CNN ma lipotia mai i le asō.

O lea sā ua matua’i tapu ai le ulufale atu o ni tagata mai atunuu e 12 e aofia ai, Afghanistan, Myanmar poo Burma, Chad, Republic of Congo, Equatorial Guinea, Haiti, Iran, Libya, Somalia, Sudan ma Yemen.

O isi atunuu e 7 o loo ua iai foi faatapulaa e aofia ai Burundi, Cuba, Laos, Sierra Leone, Togo, Turkmenistan ma Venezuela.

O lea faatatau e pei ona lipotia e lē aofia ai fua i latou mai ia atunuu ua nofomau i Amerika ma o loo iai visa talafeagai e aumau ai.

Fai mai le CNN ua faia lea gaioiga e le Peresetene i le mae’a o le faalavelave lea na lipotia atu mai Colorado na aafia ai soifua ina ua faaaogā e lē na faatupuina le faalavelave, pomu penisini na tau’ai i tagata i totonu o le mall i lea itu o Amerika.

O loo faatalia nei nisi tulaga faaopoopo i le matāupu e pei ona faailoa mai nei i Amerika ma le sā ua faia e le alii Peresetene, fai mai le lipoti ua faia ia gaioiga ona o lamatiaga tau le puipuiga.

Puna o Faamatalaga: https://edition.cnn.com/2025/06/04/politics/trump-travel-ban-proclamation