Ua maua galuega a nisi o tagata na omai i lalo o visa pepelo lea ua toe suesue nei.
E toatolu tagata Nepal lea ua faafaigaluega e le faletalimalo a le Sudima ma i faamaoniga ma le pulega o loo vaavaai pea e faaopoopo.
O sifi kuka e toalua ma se tasi e feagai ma tagata gasolo atu i le faletalimalo lea ua faafaigaluega i latou nei e tusa ma tala mai le faletalimalo.
O lea o loo faasolo pea suesuega i visa nei na pepelo ona fai, poo le Accredited Employer Work Visa lea na omai ai ae oo mai iinei e leai ni galuega.
O tagata ua faafaigaluega e le Sudima o loo galulue ai nei i lalo o le visa ua ta’ua o le exploited worker visa.
Ae mo le loaloa o tagata ua aafia i faiga taufaasese nei, o lea ua fesootai foi le matagaluega o pisinisi ma galuega i taitai o le komiuniti i nisi auala e fesoasoani ai ia latou nei, ae o le malo o lea ua fesoasoani mai e ala i le temporary support package e aofia ai ma le $220 mo le tagata toatasi i le vaiaso e fesoasoani i le totogiina o fale o loo faamautu ai.
