O le aso 29 o le masina nei lea o le a amata avanoa ai le tui lona tolu poo le booster
O lea ua maea faamaonia le faaaoga o le booster faaaogaina ai le vailaau a le Pfizer mo tagata 18 tausaga agai I luga, ma ua saunoa ai le minisita o le Koviti, Chris Hipkins o soo se tasi ua atoa le 6 masina talu na uma le tui lona lua o le a mafai ona agavaa ai
O le tui lona tolu lenei e leai se totogi, ma o le a avanoa foi I soo se tasi o loo I totonu o Niu Sila tusa lava pe e le I faia iinei tui muamua
I le sau ai o le faaiuga ua faia nei, o loo matuai fautuaina le tatau ona faia o le tui lona tolu mo I latou ua silia ma le 6 masina talu na uma tui lona lua, ma e le o faamalosia I lalo o le vaccinations pass system
Mai le minisita o lea e tusa ma le 144,000 tagata ua atoa pe sili atu foi ma le 6 masina talu na uma tui lona lua, pei ona amata faia ai I le masina o Fepuari tui o tagata faigaluega I tuaoi ma nofoaga faanofoesea, le vaega a le soifua maloloina faapea tagata matutua e maualuga le tulaga lamatia I le faamai
Ao talanoa ai le booster, mo le taimi nei o le faamuamua a le malo o loo iai o le faia lea o le tui muamua ma le lona lua o tagata Maori ma Pasefika
