Ua amata aloaia ai suiga i aiaiga o visa e asiasi mai ai tagata mai le Pasefika i totonu o Aotearoa Niu Sila.
I se pepa o faamatalaga mai le Ofisa o Faigamalaga (Immigration NZ) na faamanino mai ai tulaga fou o le a iai visa asisi nei (visitor visa), ma e ta’ua o le a faafaigofie ai femalaga’iga a nai tagata mai le Pasefika aemaise i latou o loo iai aiga i totonu o Aotearoa nei.
Faamauina o nei suiga o le a vaaia le mafai ona asiasi mai ai tagata mai le pasefika i totonu o le 24 masina poo le 2 o tausaga.
I ia aiaiga o le a mafai ona asiasi mai ai le tagata i le visitor vistor ma aumau mo le oo atu i le 6 masina i totonu o le 12 masina soo se taimi lava ua faatulaga mai o le visa.
Ae ua faaalia le moomia pea e tagata o loo talosaga mai mo lea visa le ausia o aiaiga e tusa ai ma le maua ai o lenei visa
Ua faamanino foi mo soo se tagata Pasefika o loo iai sona visa e malaga ai mo Ausetalia, e pei o se visa faigaluega, visa mo aoaoga ma isi, ua ta’ua e mafai ona malaga o ia i Niu Sia e ui mai Ausetalia i totonu o Aotearoa faaaoga le ETA a Niu Sila, e aunoa ma le faia o se visa mo le oo atu i le 3 masina.
Puna o Faamatalaga: https://www.immigration.govt.nz/about-us/news-centre/changes-to-visitor-visa-for-pacific/
