Ua faalauiloa mai nei e le Te Whatu Ora, taunuuga o a latou iloiloga i totonu o le 3 masina poo le kuata.
Ma ua faaalia lo latou fiafia tele i le alualu pea i luga o le numera o tagata ua vave ona maua avanoa e togafitia ai a latou gasegase.
Ua faamanino e le auaunaga o le soifua mālōlōina a le Te Whatu Ora, o le sini autū lava i totonu o le 3 masina o le taumafai lea ina ia to’atele tagatānuu e maua togafitiga i gasegase eseese, ma o le fiafiaga tele o le siitia o le numera ua mafai ona maua ia avanoa e pei ona aofia ai le gasegase o le kanesa, o le faatupula’ia o le numera o fanau ua faia tuipuipui ma vaaia le tuuitiitia o le numera o tagata ua taofia ma autovaa atu i le falema’i.
Ma i tulaga faamaumauga o loo faamauina ua oo atu nei i le 84.6% o ma’i o loo maua i le kanesa ua fai togafitiga i totonu o le 31 o aso e soalaupe ai le faia o togafitiga.
E 79.3% o fanauiti e 24 masina le matutua ua atoa ma ua mae’a lelei ona fai o latou tuipuipui.
Ma ua oo atu i le 74.2% le aofa’iga o ma’i na taofia, ua te’a foi i tua ma sa iai i le ED i totonu o le 6 itula.Faaalia le mata’ina o tulaga o loo aga’i ai le maua ai e tagata o togafitiga ma le tulaga vave ua iai le faatinoina o togafitiga o tagatānuu o loo aga’i atu i falema’i mo fesoasoani i o latou soifua mālōlōina.
