O loo suesue nei e le matagaluega o a’oga pe na faafefea ona alu ese mai le tamaitiiti mai le a’oga amata i Rotorua.

Ua lipotia o se tasi o tina na ia vaaia le tamaitiiti o loo savalivali i luga o le footpath e lata i Fairy Springs Rd i le taeao o le Aso Lulu o le vaiaso talu ai, ma o lea ua toe faatoese le a’oga amata a Harakeke Early Learning Centre.

I tala a le Herald o loo ta’ua ai e le a’oga o lea na vave ona saili e le aufaigaluega, peitai i molimau a le tina na mauaina le tamaitiiti, o le taimi na alu ai e su’e se telefoni e valaau ai leoleo na faate’ia ai se tasi o le aufaigaluega i le vaai mai o loo ia alu atu ma le tamaitiiti.

O lea na toe faasalalau e le tina na mauaina le tamaitiiti i luga o le social media ma le faamoemoe ia maua e ona mātua, ma i lipoti o lea na maua fesoota’iga mulimuli ane.

Ua faamaonia mai e le matagaluega o a’oga o lea ua lipotia atu e le a’oga amata ma o totonu o le 15 aso o loo faagasolo ai suesuega o lenei mataupu.

Puna o Faamatalaga: Rotorua toddler escapes Harakeke Early Learning Centre, found near state highway – NZ Herald