Agai le malo e faia suiga I peimeni mo nofoaga faanofoesea

Ua faia nei suiga faaopoopo I le faiga o peimeni mo nofoaga faanofoesea

I le taimi nei o lea e 90 aso lea o loo tuuavanoa atu ai I tagata sa faanofoesea e totogi ai invoices, peitai o lea ua suia e le malo ma tuu mai I lalo I le na o le 30 aso, ma afai ae le totogia o le a tuu atu loa ia I latou o loo faamaopoopoina aitalafu poo debt collectors

Saunoa le minisita o le Koviti, Chris Hipkins o le a le taofia e le malo tagata I tuaoi ona o le le totogia o a latou aitalafu

E silia ma le $6.9 miliona aitalafu ua uma aso na tuuavanoa atu ai e tatau ai ona totogi, ma I totonu o lea fuainumera o le silia ma le $3.7 miliona o aitalafu mai le tausaga talu ai

Taua ai foi e  Hipkins o le tuu mai I lalo o le piriota e tatau ona faia ai peimeni o le a faavavevave ai foi ona faasau I totonu tupe mo nei auaunaga

Ao taulai ai la le malo I pasese sa faanofoesea ma a latou aitalafu, e le o talitonuina foi e le sooupu a le National, Chris Bishop faletalimalo o loo faaaogaina mo nofoaga faanofoesea

E oo atu I le 100 invoices o le a auina atu I le debt collection agency I le vaiaso nei mo le uluai taimi

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required