E 6 i le fua mafui’e le malosi o le mafui’e na lūlū i le itu i Sasa’e o Afghanistan i le Aso Sa, e lata i le tuaoi ma Pakistan e pei ona faamaonia mai e le United States Geological Survey.
Fai mai lipoti a le CNN e lata i le ‘afa miliona tagata e lē taumate na o latou faalogoina le malosi o le mafui’e ma a itiiti mai pe to’a 9 tagata ua faamauina ua maliliu ma le to’a 25 o loo manunu’a i itu na aafia.
Faailoa mai e se sooupu a le Taliban o le taimi nei o loo iloiloina nei ma siaki aafiaga o le mafui’e i nofoaga na matua’i faalogoina ai.
Ua lipotia e 4.5 le malosi o le isi lūlūuga mulimuli ane ma le isi e 5.2 le malosi.
O loo faagasolo galuega fesoasoani ma le faamautūina o aafiaga o le mafui’e.
O Oketopa 2023 e silia ma le 2 afe tagata na maliliu i se mafui’e e 6.3 le malosi na aafia ai le itu i Sisifo o Afghanistan.
Puna o Faamatalaga: https://edition.cnn.com/2025/08/31/asia/afghanistan-earthquake-killed-injured-latam-intl
